զնտուկ

Դիմումները սկսած են։ 2023 տարեշրջանի Զարմանազանը տեղի պիտի ունենայ Ֆրանսայի մէջ 11 Յուլիսէն մինչեւ 6 Օգոստոս 2023։ Զարմանազանը այն վայրն է, ուր սփիւռքի երեխաները, պատանիները, երիտասարդները, ուսուցիչները եւ ուղեկիցները կը հաւաքուին եւ լեզուն հաճոյքով կ՚ապրին։

Անոնք իրենց տարիքին համաձայն կամ խառն տարիքային զանազան աշխատանոցներու պիտի մասնակցին, ինչպէս՝ տեսողական եւ լսատեսողական արուեստներ, արհեստներ, երաժշտութիւն, մարմնային եւ թատերական արտայայտութեան զարգացում, ազատ գրութեան եւ գրական ընթերցումներու նուիրուած նիստեր, խմբային խաղեր, բնութեան մէջ պտոյտներ եւ ճամբորդութիւններ։

Մասնակիցներուն թիւը սահմանափակ է։ Դիմումներուն ժամկէտն է 14 Փետրուար 2023, Կրինիչի միջին ժամով 23։00-ը։