Խնձորի բերքահաւաք

Բերքահաւաք գիրքը պատմութիւն մըն է երկու քոյրերու մասին, որոնք խանդավառութեամբ կը պատրաստուին տօնելու իրենց շատ սիրելի ուսուցիչին տարեդարձը։ Երկու քոյրերը իրենց այգիին առաջին բերքի առատութենէն ներշնչուած, խնձորի անուշ եւ խնձորով կարկանդակ կը պատրաստեն՝ սկիզբ դնելով նոր աւանդութեան մը, որուն նպատակն է զօրացնել եւ զարգացնել իրենց տան եւ դպրոցի մեծ ընտանիքին կապերն ու յարաբերութիւնները։