Փոքրիկ
«Փոքրիկ»-ը արեւմտահայերէն հէքիաթներ հրամցնող կայքէջ մըն է, որ ծնունդ առած է Պոլսոյ մէջ 2014-ին։ Հոս ներկայացուած աւելի քան 100 լսատեսողական հէքիաթները փոխ առնուած են ժողովրդական գրականութենէն, տարբեր ժողովուրդներու աւանդական ու ժողովրդական առասպելներէն, դիցաբանութիւններէն, առակներէն, ինչպէս նաեւ համաշխարհային մանկական գրականութեան դասականներէն եւ ժամանակակից աղբիւրներէ: «Փոքրիկ»-ի ծանուցումը կ՚ըսէ թէ իր նպատակն է «հաստատել աւելի ջերմ եւ մտերիմ […]
Յուշամատեան
«Յուշամատեան»-ի հիմնական նպատակն է հետազօտութիւններու ճամբով վերականգնել ու պահպանել Օսմանեան կայսրութեան հայերուն կեանքին յիշողութիւնը։ Յօդուածներու, քարտէսներու, նկարներու, ձայնային արձանագրութիւններու եւ տեսերիզներու միջոցաւ, կայքէջին այցելուները կը յայտնաբերեն օսմանեան հայերու կեանքը, արուեստները, արհեստները, ուտելիքները, կրթական եւ հոգեւոր կեանքը, ընկերային միջավայրը եւ շատ աւելին։ Յուշամատեան կայքէջին մէջ կան երեք հիմնական բաժիններ. առաջին, յօդուածներ աշխարհագրական յատուկ վայրի մը հայկական […]
Նայիրի
«Նայիրի» հայերէնի ելեկտրոնային բառարաններու գրադարան է։ Կայքէջը ունի հայերէնի, ինչպէս նաեւ երկլեզու թուային բառարաններ։ Բառ մը փնտռելու համար կարելի է գործածել գլխաւոր էջին վրայ գտնուող տուփիկը։ Նոյն տուփիկը կարելի է գործածել նաեւ ուղղագրութիւն սրբագրելու եւ նմանաձայն բառեր գտնելու համար։ ՆԿԱՐԻ ԲԱՑԱՏՐՈՒԹԻՒՆ (1-2) Գրելու համար կարելի է ձեր նախասիրած հայերէն ստեղնաշարը ընտրել սեղմելով փոքրիկ ստեղնաշարի նկարը։ […]
Աղուոր բաներ
«Աղուոր բաներ» ծրագիրը իր կայքէջին եւ հասարակական ցանցերու էջերուն միջոցաւ օրական դրութեամբ կը տարածէ բառ մը, խօսք մը, երկտող մը, նկար մը, ձեւաւորում մը, ձայն մը կամ տեսերիզ մը։ Նպատակն է համացանցի վրայ ժամանակ անցընող հետեւողներուն ներկայացնել մատչելի եւ գեղեցիկ արեւմտահայերէնի ներկայութիւն մը։ Նիւթերը ընդհանրապէս ներշնչուած են առօրեայ խօսքերէ, քիչ գործածուող բառերէ, արեւմտահայ եւ սփիւռքահայ […]
Աստղիկը կ՚ուզէ արագ մեծնալ
Աստղիկը դպրոցական մըն է։ Ինչպէ՞ս կ՚ըլլայ, որ իր ընկերուհիները իրմէ աւելի մեծ կ՚երեւին։ Ինք եւս պէտք է մեծնայ շուտով։ «Աստղիկը կ՚ուզէ արագ մեծնալ» գիրքը ընթերցողին կը հրամցնէ պատանի դպրոցականի մը առօրեայ արկածախնդրութիւնները եւ իր գտած հնարամիտ լուծումները։ Գիրքը արժանացած է 2021-ի Համազգայինի «Մինաս եւ Գոհար Թէօլէօլեան» Ժամանակակից Գրականութեան Մրցանակին։
Բոպիկ տոտիկ
Այս հաստակազմ գրքոյկը կը հետեւի բոպիկ տոտիկներով մանուկին։ Առտուան բարի լոյսէն մինչեւ իրիկուան բարի գիշերը։ Բոպիկ տոտիկ կարելի է նաեւ ունկնդրել հեղինակին ընթերցանութեամբ, իր YouTube-ի էջին վրայ՝ Նախատեսուած է 0-3 տարեկաններու համար։
Տարոսիկ
Տարոսիկին հետ հեքիաթները, երգերը, խաղերը եւ խօսքերը իրար կը կապուին։ Պատմութիւնները կը միանան երգերուն եւ ունկնդիրներուն կը հրամցնեն աւանդական եւ ժամանակակից երաժշտական եւ լեզուային հասկացողութեամբ հարուստ մշակութային աշխարհ մը։ Երգ ու լեզու իրար կապող ծրագիր մը, Տարոսիկը իր գիրքով եւ խտասալիկով կ՚ընդգրկէ նոր երգերու յօրինում եւ աւանդական երգերու ու խաղերու նոր մեկնաբանութիւն։ Տարոսիկ գիրքը թերթելով եւ խտասալիկը […]
Րուրի
Րուրի խտասալիկը իր ութ օրօրներով ունկնդիրները կը հրաւիրէ լոյսերը թեթեւցնելու եւ անցնելու այս մեղեդիներուն գիրկը։ Ժողովրդական օրօրները թէ՛ մեծերուն եւ թէ՛ երեխաներուն համար պիտի ըլլան փրկութիւն առօրեայ աղմուկէն եւ տաղտուկէն։ Օրօրները կու գան զանազան վայրերէ՝ Ակն, Արմտան, Էվերեկ, Բինկէն, եւ այլ գիւղերէ եւ քաղաքներէ, ուրեմն իրենց հետ նաեւ այս վայրերուն բարբառները կու գան 21-րդ դար […]
Մետաղէ երազներ
Երիտասարդներ, երազներ եւ մետաղէ երազներ։ Կրնա՞յ մարդ իր երազէն աւելի գերադասել որեւէ բան։ Հապա՞ եթէ երազները չիրականանալու վախը մտնէ մարդուն մէջ։ Կ՚ուզես փախուստ տալ ամէն ինչէն։ Ամբողջ ամառ մը կը բանտարկուիս սենեակիդ մէջ։ Անձնասպանութեան կրնա՞յ հասցնել։ Ընկերները կը մնան սակայն…։ «Ամէն ինչ օքէյ պիտի ըլլայ, կը յաղթահարենք ասիկա, դուն միայն վստահէ՛ ինծի»։
Գերիշխան տիրակալութիւնը եւ մերկ կեանքը
Հայերէն լեզուով առաջին անգամ ըլլալով լոյս կը տեսնէ իտալացի յայտնի փիլիսոփայ Ջորջօ Ագամբէնի այս հանրածանօթ գործը (1995ի հրատարակուած), Մարկ Նշանեանի թարգմանութեամբ եւ աշխատասիրութեամբ։ Հատորը բազմաթիւ ծանօթագրութիւններ կը պարունակէ, որոնք ընթերցողին յաւելեալ բացատրութիւններ կը մատուցեն։ Հատորին վերջաւորութեան դրուած է «Յայտնութենական մտածողութիւն մը» վերնագիրով վերջաբան մը թարգմանիչին կողմէ, որուն երկայնքին ուսումնասիրուած է Ագամբէնի մտածողութեան կապակցութիւնը Միշէլ Ֆուկոյի, […]
