Աստղերուն տակ
Մէկիկ մէկիկ կը յայտնուին փայլուն աստղիկները ու մէկիկ մէկիկ կը փակուին աչուկները… Իսկ երբ աչուկները կը փակուին, փայլուն աստղիկներուն տակ բոլոր հանգոյցները կը քակուին…
Մէկը միւսը
Մէկը «ա՛յ» կ՚ըսէ, միւսը՝ «ո՛ւյ», ահաւասիկ երգը պատրաստ է։
Լոռիին արջուկը
Արջուկը այս ձմեռ ալ պիտի քնանայ, մինչեւ որ գարունը հասնի։ Իսկ Լոռին այս գիշեր պիտի կարենա՞յ աչուկները գոցել։ Թերեւս արջուկը օգնէ։
Ճոր ճոր
Մեծ մայրիկը ճօճաթոռին վրայ նստած է․ գիրկի թոռնիկը շուտով մշիկ մշիկ պիտի քնանայ, մինչ պատէն կախուած լուսանկարները, հեռո՜ւ մօտիկ անցեալէն, գոհունակ կը դիտեն գեղեցիկ ներկան։
Նուարդիկին կոճակը
Երբ մկնիկը գայ Նուարդիկին ակռան առնելու, Նուարդիկը ի՞նչ պիտի ուզէ փոխարէնը։ Կոճակ մը բաւարա՞ր է։
Հայելին
Խուճկուլուլուն հայելիի մը առջեւ կը յայտնուի, իսկ հայելիին մէջէն, մէկը իրեն կը նայի… Ո՞վ է արդեօք…
Թագաւորը եւ թագուհին
Թագաւոր մը, որ պալատին կորսուած բանալին ի զուր փնտռելէ ետք, պիտի հանգուցէ ընթերցողը պալատական այս խաղին… Պալատական խաղ մը, որ կը պատահի ու կը կրկնուի, ամեն ուրբաթ կամ շաբաթ, առաւօտեան կամ երեկոյեան, ժամը եօթին կամ ութին, երբեմն ալ եօթուկէսին… Պալատական ժամով եւ օրացոյցով, այս խաղը անվերջ պիտի շարունակուի, մինչեւ որ ընթերցողը պիտի ստանայ թագաւորին թագը, […]
Կիրակոսը
Կիրակոսը՝ դպրոցին հետ հազար ու մէկ հարց ու հանգոյց, հազար հարց ու մէկ հանգոյց ունեցող աշակերտը… Կիրակոսը՝ ներաշխարհով հարուստ այն տղան, որ ընթերցողը իր հետը պիտի փոխադրէ, դպրոցէն հեռո՜ւ, երեխային մօտիկ, ժպիտով լի մոլորակ մը…
Սիրանուշ
Տնակ մը, ուր նո՛յն օրը կը կրկնուի, նո՛յն ապուրը կ՚եփի, սակայն գիշերը, բի՜ւր երազներ կը հիւսուին… Սիրանուշ՝ երազներու աշխարհը հսկող, մղձաւանջները հեռո՜ւ քշող, գրոց բրոց վհուկը, որ տնակին ժամացոյցին թըխկոցով՝ թը՛խկ չըխկ կշռոյթով, պիտի ներառնէ ընթերցողը անտրամաբանական աշխարհի մը մէջ, անվերջ պտտուող շուրջպարով…
Օրիորդ Շուշանիկ
Օրիորդ Շուշանիկ բազմաթի՜ւ շնորհներ, սակայն միայն, միմիայն մէ՛կ երազ ունի՝ վարդագո՛յն երազ մը… Օրիորդ Շուշանիկին վարդագոյն այս երազը արդեօք պիտի իրականանա՞յ… Հարցումին պատասխանը ընթերցողը անշո՛ւշտ պիտի ստանայ, երբ կը հասնի գիրքին աւարտը կամ Համբարձման գիշերը… Գիրքին աւարտը կամ Համբարձման կախարդական այն գիշերը, երբ կը բացուին բոլո՜ր կղպուած դռները…
