Մաս կը կազմէ Պատառիկներ շարքին։
Կաղանդ է այսօր՝
տօնածառի օր…
Ծառը զարդարենք,
երգենք ու պարենք…
Կաղանդ է այսօր՝
երգի պարի օր…
Ծառը զարդարենք,
երգենք ու պարենք,
լաւ օրեր մաղթենք…
Կաղանդ է այսօր՝
մաղթանքներու օր…
Ծառը զարդարենք,
երգենք ու պարենք,
լաւ օրեր մաղթենք,
չիր չամիչ ուզենք…
Չամիչ տուէք,
ճակատիս շարեմ…
Կաղին տուէք,
ականջէս կախեմ…
Ընկոյզ տուէք,
գլխուս ջարդեմ…
Ծառը զարդարենք,
երգենք ու պարենք,
լաւ օրեր մաղթենք,
չիր չամիչ ուտենք…
Կը մանէ, կը մանէ,
մեծ մայրիկը կը մանէ,
բուրդ ու բամպակ կը մանէ…
Կը փաթթէ, կը փաթթէ,
մեծ մայրիկը կը փաթթէ,
երկար թելը կը փաթթէ…
Կը հիւսէ, կը հիւսէ,
մեծ մայրիկը կը հիւսէ,
պատմութիւն մը կը հիւսէ…
Կը պատմէ, կը պատմէ,
մեծ մայրիկը կը պատմէ,
պատմութիւնը անվերջ է՝
այս աշխարհը կլոր է…
Փաթիլ փաթիլ
ձիւն կը տեղայ,
մեծ մայրիկին աթոռը
կ’երթայ ու կու գայ…
Ճոր ճոր մամա,
ճոր ճոր ճոր մամա,
մեծ մայրիկին գիրկը թոռնիկ մը կայ…
Փաթիլ փաթիլ
ձիւն կը տեղայ,
մեծ մայրիկին աթոռը
կ’երթայ ու կու գայ…
Ճոր ճոր մամա,
ճոր ճոր ճոր մամա,
մեծ մայրիկին թոռնիկը կը քնանայ…
Փաթիլ փաթիլ
ձիւն կը տեղայ,
մեծ մայրիկին աթոռը
կ’երթայ ու կու գայ…
Ճոր ճոր մամա,
ճոր ճոր ճոր մամա,
մեծ մայրիկին երեսին ժպիտ մը կայ…
Գարուն ամառ՝
մէկ երկու,
աշուն ձմեռ՝
երեք չորս,
ես կը պարեմ տասնչորս…
Ինչո՞ւ տասնչորս…
Հապա քանի՞…
Թող ըլլայ քսանչորս…
Քսանչո՞րս…
Ո՛չ, ո՛չ,
փաս փայլուն
աչքերուդ համար՝
երեսունչորս…
Երեսունչո՞րս…
Ո՛չ, ո՛չ,
գանգուր գանգուր
մազերուդ համար՝
քառասունչորս…
Քառասունչո՞րս…
Ո՛չ, ո՛չ,
կարմրուկ կարմրուկ
այտերուդ համար՝
յիսունչորս…
Յիսունչո՞րս…
Ո՛չ, ո՛չ,
բաս բարակ
վզիկիդ համար
վաթսունչորս…
Վաթսունչո՞րս…
Ո՛չ, ո՛չ,
պուպուշ պուպուշ
ժպիտիդ համար՝
եօթանասունչորս…
Եօթանասունչո՞րս…
Ո՛չ, ո՛չ,
անուշ անուշ
խօսքերուդ համար
ութսունչորս…
Ութսունչո՞րս…
Ո՛չ, ո՛չ,
փափուկ բամպակ
սրտիկիդ համար
իննսունչորս…
Իննսունչո՞րս…
Ո՛չ, ո՛չ,
եկուր ընենք
կլոր հաշիւ՝
հարիւրչորս…
Հարիւրչո՞րս…
Ո՛չ, ո՛չ,
ծո՛ւռ նստինք,
շիտա՛կ խօսինք…
Ամենէն լաւը՝
տասնչորս…
Ուրեմն՝
վերջի՜ն խօսք…
Գարուն ամառ՝ մէկ երկու,
աշուն ձմեռ՝ երեք չորս,
ես կը պարեմ տասնչորս…
Կաթսային մէջ ի՞նչ կ’եփի,
չամիչով փիլաւ կ’եփի,
Ամանոր է՝ Նոր Տարի,
գալը թող ըլլայ բարի…
Մեծ հայրիկը պեխ ունի,
պեխին տակէն կը ժպտի,
Ամանոր է՝ Նոր Տարի,
գալը թող ըլլայ բարի…
Նոր հեքիաթ մը կը սկսի,
կծիկը թող գլորի,
Ամանոր է՝ Նոր Տարի,
գալը թող ըլլայ բարի…
Թոռնիկները աշխարհի
թող մեծնան առանց ցաւի,
Ամանոր է՝ Նոր Տարի,
գալը թող ըլլայ բարի…
Անձրեւ կու գայ, ձիւն կու գայ,
Քեռի Մինասը տուն կու գայ,
փիլաւ կ’եփէ բրինձ չկայ, վա՜յ…
Կաթսան, բրինձը…
Անձրեւ կու գայ, ձիւն կու գայ,
Քեռի Մինասը տուն կու գայ,
փիլաւ կ’եփէ բրինձ կայ, իւղ չկայ, վա՜յ…
Կաթսան, բրինձը, կարագը…
Կաթսան, բրինձը, կարագը, տաք ջուրը…
Կաթսան, բրինձը, կարագը, տաք ջուրը,
Քեռի Մինասին փիլաւը…
Կաթսան պղինձ է,
փիլաւը եղինձ է…
Պղինձին մէջը
բրինձէ եղինձը,
բրինձէ եղինձը
պղինձին մէջը…
Լեռ ձոր, լեռ ձոր…
Նորէ՛ն լեռ, նորէ՛ն ձոր…
Քանի՞ լեռ, քանի՞ ձոր…
Եօ՛թը լեռ, եօ՛թը ձոր…
Լեռը, ձորը, հովիւը…
Հովիւը եւ մահակը…
Հովիւը, մահակը…
Մահակը եւ ոչխարը՝ մէէ՜…
Հովիւը, մահակը, ոչխարը…
Ոչխարը եւ գառնուկը՝ մէէէ՜…
Հովիւը, մահակը, ոչխարը, գառնուկը…
Գառնուկը եւ այծուկը՝ պէէ՜…
Հովիւը, մահակը, ոչխարը, գառնուկը, այծուկը…
Այծուկը եւ ուլիկը՝ պէէէ՜…
Հովիւը, մահակը, ոչխարը, գառնուկը, այծուկը, ուլիկը…
Ուլիկը եւ գորշ գայլը՝ աաուուո՜ւ…
Հովիւը, մահակը, ոչխարը, գառնուկը,
այծուկը, ուլիկը, գորշ գայլը՝ աաաուո՜ւ...
Գորշ գայլը եւ գայլաշունը՝ հա՛ֆ հա՛ֆ հա՛ֆ…
Լոյս մանուկը կը քնանա՜յ… շշշշշշշշշշ…
Հովիւները լոյս մանուկին ի՞նչ բերին…
Հովիւները կա΄թ բերին…
Հովիւները կաթ, մածո΄ւն բերին…
Հովիւները կաթ, մածուն, պանի՛ր բերին…
Հովիւները կաթ, մածուն, պանիր, կարա՛գ բերին…
Հովիւները կաթ, մածուն, պանիր, կարագ, բո՛ւրդ բերին…
Հովիւները կաթ, մածուն, պանիր, կարագ, բո՛ւրդ բերին… ե՜ւ…
սրի՛նգ նուագեցին…
Րուրի րուրի՜…
Րուրուրի րուրուրի՜…
Լեռ ձոր, լեռ ձոր…
Նորէն լեռ, նորէն ձոր…
Քանի՞ լեռ, քանի՞ ձոր…
Եօթը լեռ, եօթը ձոր…
Լեռը ձորը, հովիւը…
Հովիւը եւ մահակը…
Հովիւը, մահակը…
Մահակը եւ ոչխարը՝ մէէէ՜…
Հովիւը, մահակը, ոչխարը…
Ոչխարը եւ գառնուկը՝ մէէէ՜…
Հովիւը, մահակը, ոչխարը, գառնուկը…
Գառնուկը եւ այծուկը՝ պէէէ՜…
Հովիւը, մահակը, ոչխարը, գառնուկը, այծուկը…
Այծուկը եւ ուլիկը՝ պէէէ՜…
Հովիւը, մահակը, ոչխարը, գառնուկը,
այծուկը, ուլիկը…
Ուլիկը եւ գորշ գայլը՝ աուո՜ւ…
Հովիւը, մահակը, ոչխարը, գառնուկը,
այծուկը, ուլիկը, գորշ գայլը...
Գորշ գայլը եւ գայլաշունը՝ հա՜ֆ հա՜ֆ հա՜ֆ…
Շշշշշշ…
Լոյս մանուկը կը քնանա՜յ, թող չարթննա՜յ…
Հովիւները
լոյս մանուկին
ի՞նչ բերին…
Հովիւները
կա՜թ բերին…
Հովիւները
կաթ բերին,
մածո՜ւն բերին…
Հովիւները
կաթ բերին,
մածուն բերին,
պանի՜ր բերին…
Հովիւները
կաթ բերին,
մածուն բերին,
պանիր բերին,
կարա՜գ բերին…
Հովիւները
կաթ բերին,
մածուն բերին,
պանիր բերին,
կարագ բերին,
բո՜ւրդ բերին…
Հովիւները կաթ բերին,
մածուն բերին,
պանիր բերին,
կարագ բերին,
բուրդ բերին
եւ…
սրի՜նգ նուագեցին… (սրինգի նման սուլել)
Ցօ է, Ձա է,
ցո՜ւրտ ձմեռ է…
Ձա է, Ցօ է,
ձմեռը ցո՛ւրտ է…
Կը մսիմ, կը մսիմ,
գլխարկ չունիմ կը մսիմ՝
հապչի՛…
Ցօ է, Ձա է,
ցո՜ւրտ ձմեռ է…
Ձա է, Ցօ է,
ձմեռը ցո՛ւրտ է…
Կը մսիմ, կը մսիմ,
գլխարկ չունիմ,
վզկապ չունիմ կը մսիմ՝
հապչի՛, հապչի՛…
Ցօ է, Ձա է,
ցո՜ւրտ ձմեռ է…
Ձա է, Ցօ է,
ձմեռը ցո՛ւրտ է…
Կը մսիմ, կը մսիմ,
գլխարկ չունիմ,
վզկապ չունիմ,
թաթպան չունիմ կը մսիմ՝
հապչի՛, հապչի՛, հապչի՛…
Ցօ է, Ձա է,
ցո՜ւրտ ձմեռ է…
Ձա է, Ցօ է,
ձմեռը ցո՛ւրտ է…
Հա… Հաա… Հաաա… Հապչի՛…
Կարապը, լիճը,
կարապի լիճը…
Մէկ կարապ,
երկու կարապ,
երեք կարապ,
չորս կարապ,
լիճի ափին՝ լճափին
թեւերով ըրին
խաչկապ…
Չորս կարապ,
խաչկապ…
Չորս կարապ,
խաչկապ…
Կարապը, լիճը,
կարապի լիճը…
Մէկ կարապ,
երկու կարապ,
երեք կարապ,
չորս կարապ,
լիճի ափին՝ լճափին
թեւերով ըրին
խաչկապ,
միասին պարեցին
հոյակապ…
Չորս կարապ,
հոյակապ…
Չորս կարապ,
հոյակապ…
Կարապը, լիճը,
կարապի լիճը,
կարապներուն հոյակապ,
խաչկապ պարը…
Դուռը գոց է,
դուռը բաց է,
գոց է, բաց է,
սառնարանը լե՛փ լեցուն է…
Դուռը գոց է,
դուռը բաց է,
գոց է, բաց է,
սառնարանը լեփ լեցուն է,
իսկ փորիկս պա՛ս պարապ է…
Դուռը բաց է,
դուռը գոց է,
բաց է, գոց է,
սառնարանը պա՛ս պարապ է…
Դուռը բաց է,
դուռը գոց է,
բաց է, գոց է,
սառնարանը պաս պարապ է,
իսկ փորիկս լե՛փ լեցուն է…
Ամանը ինկաւ կոտրեցաւ՝
վա՜յ, վա՜յ, կոտրեցաւ…
Ամանը ինկաւ կոտրեցաւ,
ոսպապուրն ալ թափեցաւ՝
վա՜յ, վա՜յ, թափեցաւ…
Ամանը ինկաւ կոտրեցաւ,
ոսպապուրը թափեցաւ,
մայրիկն ալ բարկացաւ՝
վա՜յ, վա՜յ, բարկացաւ…
Կոտրեցաւ, թափեցաւ, բարկացաւ,
հիմա ունիմ
երեք հատ ցաւ՝
ա՜յ, ա՜յ, ա՜յ…
Ամանը ինկաւ կոտրեցաւ՝
վո՜ւյ, վո՜ւյ, կոտրեցաւ…
Ամանը ինկաւ կոտրեցաւ,
թանապուրն ալ թափեցաւ՝
վո՜ւյ, վո՜ւյ, թափեցաւ…
Ամանը ինկաւ կոտրեցաւ,
թանապուրը թափեցաւ,
մայրիկն ալ բարկացաւ՝
վո՜ւյ, վո՜ւյ, բարկացաւ…
Կոտրեցաւ, թափեցաւ, բարկացաւ,
հիմա ունիմ
երեք հատ ցաւ՝
ո՜ւյ, ո՜ւյ, ո՜ւյ …