զնտուկ

«Յուշամատեան»-ի հիմնական նպատակն է հետազօտութիւններու ճամբով վերականգնել ու պահպանել  Օսմանեան կայսրութեան հայերուն կեանքին յիշողութիւնը։ 

Յօդուածներու, քարտէսներու, նկարներու, ձայնային արձանագրութիւններու եւ տեսերիզներու միջոցաւ, կայքէջին այցելուները կը յայտնաբերեն օսմանեան հայերու կեանքը, արուեստները, արհեստները, ուտելիքները, կրթական եւ հոգեւոր կեանքը, ընկերային միջավայրը եւ շատ աւելին։

Յուշամատեան կայքէջին մէջ կան երեք հիմնական բաժիններ. առաջին, յօդուածներ աշխարհագրական յատուկ վայրի մը հայկական կեանքի զանազան երեսներուն մասին, երկրորդ, ընտանեկան հաւաքածոներ/ընտանիքի պատմութիւններ եւ երրորդ, անտիպ յուշեր եւ յուշամատեաններ։ Ամբողջ պարունակութիւնը տրամադրելի է երեք լեզուներով՝ հայերէն, թրքերէն եւ անգլերէն։