զնտուկ

«Այս աշխատասիրութիւնը կը հետապնդէ հիմնական երկու նպատակ: Առաջին՝ փոխանցել զեկուցում մը գիտահետազօտական աշխատանքի մը գործընթացին ու անոր արդիւնքներուն շուրջ: Այդ աշխատանքին նպատակն է ուսումնասիրել լիբանանահայ վարժարաններէ ներս ծառայող ուսուցիչներու եւ տնօրէններու մանկավարժական ըմբռնումները՝ քննադատական մտածողութեան առնչութեամբ։ Երկրորդ՝ ներկայացնել գիտահետազօտական աշխատանքի ընդգրկած նիւթին առնչուող հիմնահարցեր՝ ապաւինելով մասնագիտական համապատասխան գրականութեան»։

Գիտահետազօտական այս աշխատանքը ունի ակադեմական բնոյթ, սակայն միեւնոյն ժամանակ՝ լայն հասարակութեան մատչելի ոճ մը կ՚օգտագործուի:

«Քննադատական մտածողութիւնը լիբանանահայ վարժարաններու մէջ» հատորին հրատարակութիւնը օժանդակուած է Գալուստ Կիւլպէնկեան Հիմնարկութեան կողմէ։