զնտուկ

մանկավարժական աղբիւրներ արեւմտահայերէնով

  • գրել
  • դիտել
  • ընթերցել
  • լսել-երգել
  • խաղալ
  • յայտնաբերել
  • կրթական ծրագիր
տարիք
նիւթ
փնտռել
  • 0-6
  • 6-8
  • 8-12
  • 12-14
  • 14-18
  • 18-էն վեր
  • խաղ
  • կայքէջ
  • գրականութիւն
  • շարժապատկեր
  • փիլիսոփայութիւն
  • գիտութիւն
  • երաժշտութիւն
  • շարանկար
  • բնութիւն
  • ուղղագրիչ
  • թուաբանութիւն
  • գրական մամուլ
  • բառարան
  • կիրարկիչ
  • ամառնային ծրագիր
  • գրադարան
  • ամառնային աշխատանոց
  • ձեռնարկ
զատած էք՝

    Մորիս Բլանշոյ
    Գրականութիւնը եւ մահուան մեր իրաւունքը

    Մարկ Նշանեան
    Գրական հանգանակ մը

    Հեղինակներ՝ Մորիս Բլանշոյ, Մարկ Նշանեան
    Թարգմանիչ՝ Մարկ Նշանեան
    Էջերու քանակ՝ 160
    Հրատարակիչ՝ Ինքնագիր գրական ակումբ

    Հրատարակութեան թուական` 2018

    Գրականութիւնը եւ մահուան մեր իրաւունքը
    Փիլիսոփայական
    *«Գրականութիւնը ինքզինք կը դիտէ յեղափոխութեան մէջ, կ՚արդարացնէ ինքզինք անոր մէջ, եւ եթէ զայն Ահաբեկում կոչած են, պատճառը անշուշտ այն էր որ ան որպէս

    «Գրականութիւնը ինքզինք կը դիտէ յեղափոխութեան մէջ, կ՚արդարացնէ ինքզինք անոր մէջ, եւ եթէ զայն Ահաբեկում կոչած են, պատճառը անշուշտ այն էր որ ան որպէս իտէալ ունէր այդ պատմական պահը, երբ “կեանքը կը կրէ մահը ու կը յարատեւէ մահուան մէջ իսկ”, անկէ քաղելու համար խօսքին հնարաւորութիւնը եւ ճշմարտութիւնը։ Ահա “հարցում”ը որ կը փորձէ գրականութեան մէջ արձանագրուիլ ու կատարուիլ եւ որ անոր էոյթը կը կազմէ»։
    (Մորիս Բլանշոյ)

    «Պատմութեան ժամանակին մէջ, մենք մեզի ժամանակակից ենք, ինչ որ կը նշանակէ թէ մենք մեր վկաներն ենք։ Մինչդեռ երկին սպասումով՝ անանձնական ուշադրութիւնը կը փոխադրուի աշխարհի մը մէջ ուր վկային մահն է որ կը տիրէ, մեռեալ վկան է, վերապրողն է, որ կը գրաւէ բեմահարթակը»։
    (Մարկ Նշանեան)

    Մորիս Բլանշոյ (1907-2003) ֆրանսացի մտաւորական, վիպագիր եւ քննադատ մըն էր, այդ մարզին մէջ ամենէն յարգուածներէն մէկը։ Սոյն հատորը մէկ կողքին տակ կը հրամցնէ երկու գրուածք։ Նախ՝ Մորիս Բլանշոյի 1947ին հանդէսով եւ 1949ին՝ գիրքով լոյս տեսած La littérature et le droit à la mort վիճաբանական փորձագրութեան արեւմտահայերէն թարգմանութիւնը։ 1947ին լոյս տեսած էր Ժան-Փօլ Սարտրի «Ի՞նչ է գրականութիւնը» գիրքը, որ կը պաշտպանէր յանձնառու գրականութեան գաղափարը։ Այդ գաղափարին դէմ գրուած է Բլանշոյի «Գրականութիւնը եւ մահուան մեր իրաւունքը»։ Սոյն գիրքին երկրորդ բաժինը կը հրամցնէ Բլանշոյի փորձագրութեան վերաբերեալ Մարկ Նշանեանի բացատրական ու պարզաբանական ուսումնասիրութիւնը, «Գրական հանգանակ մը» վերտառութեամբ։

    1/3