Նարնիայի Քրոնիկները
Ք. Ս. Լուիսի արկածախնդրական այս շարքին մէջ պիտի տեսնենք, որ բարին ու չարը ամէն տեղ են, նոյնիսկ` մե՛ր մէջ, իսկ այդ երկուքին միջեւ կայ թափանցիկ ու շատ բարակ թել մը: Դասական շարքը կը ներկայացնէ աշխարհ մը, ուր կան աներեւակայելի գեղեցիկ պալատներ, ոսկեայ խնձորներով ծառեր ու հաւատարիմ ընկերներ, որոնք անձնազոհութեամբ կը հասնին օգնութեան, պատերազմելու` չարագործներու, յոխորտացողներու […]
Մաշտոց – Ոչ այդքան ճշգրիտ պատմութիւն
Եզնիկ եւ Կորիւն երկու աշակերտ են, շատ հին, ոչ այդքան ճշգրիտ ժամանակի մը մէջ։ Երկու ընկերները կը փորձեն օգնել Մաշտոցին, որպէսզի յաջողցնէ իր մեծ ծրագիրը։ Արկածներու մէջէն անցնելով, երկու ընկերները եւ իրենց ուսուցիչը պիտի կարենա՞ն հասնիլ իրենց նպատակին։ Իսկ մենք անոնց պատմութիւնը կարդալու ատեն, որքա՛ն պիտի ծիծաղինք։
Հայբոտ
«Հայբոտ – Լինտան կը պատմէ» ծրագիր մըն է հայերէն հեքիաթներ ներկայացնելու հոսարկումի (փոտքասթի) մը միջոցաւ։ ԱյԹիւնզի, Կուկըլի եւ այլ հարթակներու վրայ հասանելի հոսարկումին իւրաքանչիւր հատուածը հեքիաթ մըն է, առնուած համաշխարհային եւ կամ հայկական դասական հեքիաթներու ցանկէն։ Հեքիաթները պատմողն է Լինտա Գանտիլեանը, որուն ձայնին կ՚ընկերակցի հաճելի երաժշտութիւն։ Հայբոտի 5-10 վայրկեան տեւողութեամբ հոսարկումները պատրաստուած են որդեգրելով ունկնդիրներու […]
Զապէլ Եսայեանի ամբողջական գործերը
«Մատենագրութեան թուանշային գրադարան»-ի գրական հսկայական պաշարին մաս կը կազմեն՝ Զապէլ Եսայեանի ամբողջական գործերը, որոնք թուայնացած են եւ հանրութեան անվճար հրամցուած։ Զապէլ Եսայեանի հաւաքածոն ալ աւելի կը ճոխացնէ՝ այս թուային գրադարանին արդէն իսկ հարուստ Արեւմտահայ եւ սփիւռքի գրականութիւն բաժինը, որ կ՚ընդգրկէ 600-ի շուրջ վերնագիր։ 27 վերնագիրներու տակ հաւաքուած Զապէլ Եսայեանի ամբողջական գործերուն մատչելի ձեւով հանրութեան ներկայացուիլը կարեւոր […]
Կարմիր կօշիկ
Մանուկը այլեւս բոպիկ չէ եւ այլեւս սորված է մինակը հագուիլ։ Նախատեսուած է 0-3 տարեկաններու համար։
Համազգային Է գրադարան
Դասական եւ նոր հրատարակուած գիրքերու մեծ շտեմարան մը ըլլալով, Համազգայինի «Է գրադարան» խելախօսի կիրարկութիւնը անվճար գիրքերու մեծ ընտրանի մը կը հրամցնէ։ Կիրարկութեան միջոցաւ կարելի է գնել նաեւ ներկայացուած միւս գիրքերը։ «Է գրադարան»-ը գիրքեր տրամադրելի դարձնող վայր մը չէ միայն։ Գործածողը կրնայ կիրարկութեան մէջ ընթերցել ներբեռնուած գիրքերը, որոնք ներբեռնելէ ետք՝ կը մնան անձնական «գրադարանին» մէջ։ Գրադարանը […]
Զար զընգը
«Զար զընգը» մեծ և փոքր երեխաներուն համար է։ Որպէս աւանդազրոյց մը՝ «Զար զընգը» կը պատմէ թէ ինչպէ՛ս ծնած է երաժշտութիւնը եւ թէ ինչպէ՛ս մարդուն հոգին երաժշտութեան կապուած է ։ Գիրերու, գծագրութիւններու, գոյներու եւ տպագրական այլ հնարքներու միջոցաւ գիրքը ընթերցողը կը տանի զգացումէ զգացում՝ կը զարմացնէ, կը հարցադրէ եւ կը խաղայ։ «Զար զընգը» հատորը արժանի գտնուած […]
Մրջիւններու վերջալոյսը
Զաւէն Պիպեռեանի վիպագրութեան գլուխ-գործոցն է Մրջիւններու վերջալոյսը, ուր ան հայելի մը կը բռնէ 1940-50-ականներու պոլսահայ իրականութեան դէմ յանդիման, երկրի քաղաքական-տնտեսական կացութեան ընդմէջէն: Վէպին առանցքը կը կազմէ Ու-նե¬ւորութեան տուրքի հետեւանքով հետզհետէ քայքայուող հայ ընտանիք մը՝ ընկճուած հիւանդ հայր մը, նիւթական անկումի պատճառով իրմէ գանգատող դժգոհ կին մը ու աղջիկ մը, որոնց կը միանայ աշխատանքային ճամբարներու մէջ […]
Լկրտածը
«Լկրտածը» Զաւէն Պիպեռեանի անդրանիկ վէպն է, 1959 թուականին լոյս տեսած եւ այսօր վերատպումի արժանացած Արաս հրատարակչատան կողմէ։ Վէպը կը պատմէ թուրք քաղքենի ընտանիքի մը մօտ որպէս որդեգիր աղջիկ եւ խորքին մէջ՝ որպէս աղախին ապրող գեղեցիկ Կիւլկիւլին դժբախտ պատմութիւնը։ Շարժանկարային ոճով գրուած (եւ սկզբնապէս շարժանկարի համար նախատեսուած) վէպ մըն է։ Գիրքը հրատարակութեան պատրաստած է բանասէր Սեւան […]
Յակոբ Օշականի ամբողջական գործերը
«Մատենագրութեան թուանշային գրադարան»-ի գրական հսկայական պաշարին մաս կը կազմեն՝ Յակոբ Օշականի ամբողջական գործերը, որոնք թուայնուացուած են եւ հանրութեան անվճար հրամցուած։ Յակոբ Օշականի հաւաքածոն կու գայ ճոխացնելու այս թուային գրադարանին արդէն իսկ հարուստ արեւմտահայ եւ Սփիւռքի գրականութեան բաժինը, որ կ՚ընդգրկէ 600-ի շուրջ վերնագիր։ Օշականի գործերուն անմիջական հասանելիութեան շնորհիւ՝ այս գործերը տրամադրելի պիտի ըլլան զանազան գրական, գեղարուեստական […]
